अडियोको अनुभवलाई नेक्स लेभलमा पुर्याउँदै रेड्मी बड्स ५ ए
१५ भदौ, काठमाडौं । अहिले सहज र उत्कृष्ट साउन्ड प्रदान गर्ने उच्च–गुणस्तरका अडियो डिभाइसको माग बढ्दै गएको छ। यात्रामा हुँदा, वर्कवाउट गर्दा वा घरमै बस्दा, सही इयरबड्सले प्रयोगकर्ताको अडियो अनुभवमा ठूलो अन्तर पार्न सक्छ।
Redmi Buds 5A Audio पछिल्लो समयमा विभिन्न वायरलेस प्रविधिहरुले प्रयोगकर्तालाई आवश्यक अडियो अनुभव, उत्कृष्ट कनेक्टिभिटी र अन्य विशेषताहरू प्रदान गर्दै आएका छन् जसमध्ये रेड्मी बड्स ५ ए पनि निकै चर्चामा छ।
रेड्मी बड्स ५ ए मा एक्टिभ नोइज क्यान्सिलेसन (एएनसी) उपलब्ध रहेको छ जसले अनावश्यक आवाजलाई रोकी प्रयोगकर्तालाई म्युजिक, पोडकास्ट वा कलमा क्लीयर साउन्ड प्रदान गर्दछ । साथै ट्रान्सपेरेन्सी मोडले प्रयोगकर्तालाई अडियोको मजा लिँदै वरपरको वातावरणको जानकारी राख्ने सुविधा पनि दिन्छ जसले आकर्षक अडियो र सुरक्षाबीच सन्तुलन कायम गर्छ ।
गुगल फास्ट पेयरले गर्दा यो इयरबड्स अरु डिभाइसहरुसँग तुरुन्तै कनेक्ट हुन्छ । यसको १२ मिलिमिटरको ब्यास प्रो ड्राइभरले गहिरो र डाइनामिक साउन्ड प्रदान गर्छ भने आइपिएक्स फोर रेटिङले पसिना र पानीका छिटाहरूबाट पनि सुरक्षा दिन्छ । साथै एआई इन्भारोमेन्टल नोइज क्यान्सिलेसनलले कलको समयमा स्पष्टता प्रदान गर्दछ भने यसले लगभग ३० घण्टाको ब्याट्री लाइफ पनि दिन्छ ।
रेड्मी बड्स ५ ए का विशेषताहरू
रेड्मी बड्स ५ ए उच्च प्रदर्शन र प्रयोगकर्ताको सहजतालाई ध्यानमा राखी निर्माण गरिएको छ । यसको १२ मिलिमिटरको डायनामिक ड्राइभरहरूले २० हर्ज देखि २४ किलोहर्जसम्मको प्रभावशाली फ्रिक्वेन्सी प्रदान गर्छन् । प्रयोगकर्ताले हेभी ब्यास भएको वा हाइ पिच भएका गीतहरूमा पनि यी इयरबड्सले अडियोमा स्पष्टता र गहिराइ प्रदान गर्छ ।
आधुनिक जीवनशैलीलाई ध्यानमा राखी डिजाइन गरिएको रेड्मी बड्स ५ ए टच कन्ट्रोलहरूका साथ आउँछ जसले प्रयोगकर्तालाई सजिलैसँग संगीत, कल र भ्वाइस असिस्टेन्टलाई व्यवस्थापन गर्न मद्दत गर्छ ।
आइपिएक्स फोरका साथ इयरबड्सहरू पसिना र पानीका छिटाहरू प्रतिरोधी छन् । ब्लुटुथ ५.४ ले स्टेबल र इफिसियन्ट कनेक्टिभिटी सुनिश्चित गर्छ भने एसबिसी अडियोले हाइ क्वालिटी साउन्ड प्रदान गर्छ ।
रेड्मी बड्स ५ ए को ब्याट्री लाइफ यसको अर्को विशेषता हो । ४४० एमएएच ब्याट्री चार्जिङ केस सहित प्रत्येक इयरबडमा ३४ एमएएच ब्याट्रीको साथ प्रयोगकर्ताले चार्जिङ केस एक पटकको चार्जमा ३० घण्टासम्मको प्लेब्याक समय र प्रत्येक इयरबडमा ५ घण्टा निरन्तर प्रयोग गर्न सक्नेछन् ।
क्वीक चार्ज सुविधाले मात्र १० मिनेटको चार्जमा ९० मिनेटको प्लेब्याक प्रदान गर्छ । प्रत्येक इयरबडको तौल मात्र ३.६ ग्राम मात्र रहेको छ जसले यो लामो समयसम्म पनि आरामले प्रयोग गर्न सकिन्छ ।
चार्जिङ केससहित कुल तौल लगभग ४१.२ ग्राम मात्र रहेको हुन्छ जसले गर्दा यो जहाँसुकै पनि सजिलै बोक्न सकिन्छ । रेड्मी बड्स ५ ए ले हाइ क्वालिटी अडियो, सहज कनेक्टिभिटी र आकर्षक डिजाइनको शक्तिशाली संयोजन प्रदान गर्छ ।
एक्टिभ नोइज क्यान्सिलेसन, लामो ब्याट्री लाइफ र सहज कन्ट्रोलहरूको साथमा यी इयरबड्स दैनिक जीवनमा उत्कृष्ट अडियो गुणस्तर र सहजता खोज्ने सबैका लागि पर्फेक्ट चोइस बन्न सक्छ ।
रेड्मी बड्स ५ ए को मुल्य रु. २,४९९ रहेको छ ।
