आइतबार पनि घट्यो सुनको भाउ
२३ मंसिर, काठमाडाैं । साताको पहिलो कारोबार दिन आज आइतबार सुनको भाउ ४०० रुपैयाँले घटेको छ । शुक्रबार ६०० रुपैयाँले घटेको सुन आज ४०० रुपैयाँले घटेको हो ।
नेपाल सुनचाँदी व्यवसायी महासंघका अनुसार आइतबार छापावाला सुनको भाउ प्रतितोला एक लाख ४९ हजार ७०० रुपैयाँमा कारोबार भइरहेको छ । शुक्रबार छापावाला सुनको भाउ प्रतितोला एक लाख ५० हजार १०० रुपैयाँमा कारोबार भएको थियो ।
यस्तै, शुक्रबार प्रतितोला १ हजार ८६५ रुपैयाँमा कारोबार भएको चाँदी आज प्रतितोला १ हजार ८९० रुपैयाँमा कारोबार भइरहेको छ ।
नेपालमा अन्तर्राष्ट्रिय बजारको आधारमा सुनचाँदीको मूल्य निर्धारण गर्ने गरिएको छ । आइतबार अन्तर्राष्ट्रिय बजारमा सुन प्रतिऔंस २ हजार ६३३.०५ अमेरिकी डलर र चाँदी प्रतिऔंस ३०.९७ डलरमा कारोबार भइरहेको छ ।
