सुनको भाउमा सामान्य गिरावट
०७ माघ, काठमाडौँ । सुनको भाउमा सामान्य गिरावट आएको छ । नेपाल सुनचाँदी व्यवसायी महासंघका अनुसार सोमबार छापावाला सुन एक लाख ५७ हजार रुपैयाँमा कारोबार भइरहेको छ । आइतबार छापावाला सुन एक लाख ५७ हजार एक सय रुपैयाँमा कारोबार भएको थियो ।
यस्तै सोमबार चाँदी १ हजार ८६० रुपैयाँमा कारोबार भइरहेको छ । चाँदी आइतबार पनि सोही भाउमा कारोबार भएको थियो ।
नेपालमा अन्तर्राष्ट्रिय बजारको आधारमा सुनचाँदीको मूल्य निर्धारण गर्ने गरिएको छ । सोमबार अन्तर्राष्ट्रिय बजारमा सुन प्रतिऔंस २ हजार ७०५.२६ अमेरिकी डलर र चाँदी प्रतिऔंस ३०.३९ डलरमा कारोबार भइरहेको छ ।
