सुनको मूल्यमा वृद्धि, बुधबार कतिमा हुँदैछ कारोबार ?
२८ फागुन, काठमाडौँ । स्थानीय बजारमा सुनको मूल्य ६०० रुपैयाँले बढेको छ । मंगलबार प्रतितोला पाँच सय रुपैयाँ घटेको सुनको मूल्य आज ६०० रुपैयाँले बढेको हो ।
मंगलबार प्रतितोला एक लाख ६९ हजार नौ सय रुपैयाँमा कारोबार भएको सुनको मूल्य आज प्रतितोला एक लाख ७० हजार ५ सय कायम भएको नेपाल सुनचाँदी व्यवसायी महासङ्घले जनाएको छ ।
त्यसैगरी, आज एक तोला चाँदी २ हजार रुपैयाँमा कारोबार भइरहेको छ । मंगलबार चाँदी एक हजार नौ सय ७० रुपैयाँमा कारोबार भएको थियो । अन्तरराष्ट्रिय बजारमा आज प्रतिऔंस सुन दुई हजार ९ सय १३ अमेरिकी डलरमा कारोबार भइरहेको छ ।
