Category: Agriculture

०५ कार्तिक, बागलुङ । पछिल्लो समय यहाँ उत्पादित छुर्पीले राम्रो बजार पाएको छ । सहकारीमार्फत सङ्कलित दूधबाट उत्पादित छुर्पीको माग उच्च छ । यहाँ उत्पादित छुर्पी काठमाडौँ हुँदै अमेरिका निर्यात हुने गरेको छ । बागलुङ दुग्ध उत्पादक सहकारी सङ्घमार्फत दूध सङ्कलन, प्रशोधन र बजारीकरण हुने गरेको छ । वार्षिक रु आठ करोडको दूध तथा दुग्धजन्य पदार्थको कारोबार गर्ने सहकारी सङ्घले आर्थिक वर्ष २०८०/८१ मा मात्रै रु ३८ लाख ५४ हजार चार सय १० को छुर्पी अमेरिका निर्यात गरेको हो । दुग्ध सहकारी सङ्घ बागलुङका अध्यक्ष दिपक गौतमकाअनुसार सहकारीबाट उत्पादित दूध,…

०३ कार्तिक, महोत्तरी । मखानखेतीका लागि उर्वर भूमि मानिएको महोत्तरीमा मखानखेती लोप हुँदै गएको छ । कुनै बेला मिथिला क्षेत्रकै आम्दानीको स्रोत मानिएको मखानखेती लोप हुन थालेको जलेश्वर नगरपालिका–१ का किसान विजय मुखियाले बताए । किसानहरुले आम्दानीका लागि पोखरीमा माछापालन गर्न थालेपछि मखानखेती लोप हुन थालेको उनको भनाइ छ । जिल्लामा चाडबाड, पूजाआजा, विवाह व्रतबन्धजस्ता शुभकार्य होस् या मृत्यु र श्राद्ध कर्ममा समेत मिथिलामा मखानको प्रयोग हुने गर्दछ । मखान आयआर्जनको माध्यमसँगै मिथिलाको संस्कृति जोगाउने उपक्रम र परम्परागत पुर्ख्यौली पेसा पनि रहेको जलेश्वर नगरपालिका–५ का सांस्कृतिविद् ध्रुव राय बताउँछन् ।…

०१ कार्तिक, काठमाडौँ । भक्तपुर सल्लाघारीकी अञ्जु सुवेदी गाउँमा दसैँ मानेर मंगलबार राति घर फर्किइन् । घर आएलगत्तै काठमाडौँमा भएका पाहुनालाई बोलाएकी उनी तरकारी किन्न बजार गइन् । १ हजार रुपैयाँ बोकेर तरकारी किन्न हिँडेकी उनले पैसा नपुगेर १५ सय रुपैयाँ इसेवा गरिन्, किनकि तरकारीको भाउ अचाक्ली महँगो भएको थियो । बिहान–बेलुका नै भान्सामा चाहिने आवश्यक तरकारीको भाउ यसरी बढ्दा पनि सम्बन्धित निकायले ध्यान नदिएको उनको गुनासो छ । दसैँअघिको तुलनामा तरकारीको भाउ दोब्बरभन्दा बढीले बढेको उनको भनाइ छ । किसानबाट सस्तोमा तरकारी लिएर बिचौलियाले भाउ बढाएको हुन सक्ने भन्दै…

०७ असोज, काठमाडौं । कालिमाटी तरकारी तथा फलफूल बजारमा बुधबार सबैभन्दा सस्तो तरकारी गोलभेँडा र च्याउ सबैभन्दा महंगो तरकारीको रुपमा कारोबार भइरहेको छ । सानो गोलेभेँडाको प्रतिकेजी न्यूनतम मूल्य १५ रुपैयाँ तोकिएको छ भने अधिकतम मूल्य २५ रुपैयाँ तोकिएको छ । यस्तै, आज सिताके च्याउको न्यूनतम मूल्य ९५० रुपैयाँ र अधिकतम मूल्य ११ सय रुपैयाँ तोकिएको छ । यसैगरी, कालिमाटीमा आज कन्य च्याउ १९६ रुपैयाँ, कुरीलो ४३३ रुपैयाँ, न्यूरो ९६ रुपैयाँ, लाम्चो भन्टा ४६ रुपैयाँ, डल्लो भन्टा ५६ रुपैयाँ, तने बोडी ६६ रुपैयाँ, मकै बोडी ८६ रुपैयाँ, लोकल सिमी ६८…